Blinçik xəmiri
Directions
Blinçik hər fəsildə həm böyüklərin, həm də uşaqların sevdiyi ləzzətli qidalardan biridir. Fərqli bilinçiklər hazırlaya bilərsiniz – ətli, kəsmikli, mürəbbəli və s. Bu reseptimizdə sizə blinçik xəmirinin hazırlanma qaydasını izah edəcəyik. Bizim reseptdən faydalanaraq “Blinçik” hazırladınızsa, şəklini bizim İnstagram və Facebook səhifəmizə göndərməyi unutmayın. Təkliflərinizi isə şərh bölməsinə yaza bilərsiniz.
Tərkibi
3 ədəd yumurta
1 x/q şəkər tozu
1 ç/q duz
500 ml süd
280 qr un
3 x/q duru yağ
Bir kasada yumurta, duz və şəkər tozunu yavaş-yavaş çalın.
Südün yarısını əlavə edib, qarışdırmağa davam edin. Daha sonra yavaş-yavaş unu əlavə edərək qarışdırın. Un içərisində tam həll olunana qədər qarışdırmağa davam edin.
Un tamamilə qarışandan sonra qabda qalan südü əlavə edib tez-tez qarışdırın. Duru yağı əlavə edib qarışdırdıqdan sonra 10-15 dəqiqə gözləyin.
Çuqun tavanı qızdırın, içərisini duru yağla yağlayın. Daha sonra tavanın ölçüsünə görə blinçikləri bişirməyə başlayın. Blinçikin hər iki tərəfini arzuladığınız qədər qızarda bilərsiniz.
Əgər blinçikin içərisinə nəsə qoyub bükmək istəmirsinizsə, onu süfrəyə mürəbbə, qaymaq, qatılaşdırılmış südlə də təqdim edə bilərsiniz.
Nuş olsun! :)
