Kəsmikli peçenye
Directions
Çayın yanında sadə tərkibli, yüngül peçenyə resepti axtarırsınızsa, doğru reseptdəsiniz. Kəsmikdən istifadə edərək fərqli peçenyelər hazırlaya bilərsiniz. Biz də sizin zamanınızı az alacaq dadlı bir peçenye resepti yazdıq. Resept haqqında fikirlərinizi bizimlə paylaşmağı unutmayın.
Tərkibi
200 qr kəsmik
100 qr kərə yağ
1 ədəd yumurta
2.5 stəkan un
1 ç/q qabartma tozu
100 qr şəkər tozu
Kəsmiyi süzgəcdən keçirin ki, hamısı yaxşıca əzilsin və potlar olmasın. Daha sonra otaq temperaturunda yumşalmış kərə yağı ilə qarışdırın.
Buraya yumurtanı əlavə edin və yumurta tam qarışana qədər qarışdırın.
Daha sonra unu qabartma tozu ilə bərabər qarışdırıb hazırladığımız kəsmikli qarışımın üstünə ələyirik. Xəmiri yoğurmağa başlayırıq. Yumşaq xəmir alınmalıdır. Hazır olan xəmiri şar formasına salıb üstünü dəsmalla örtüb 30 dəqiqə göləyirik.
Yarım saat sonra xəmirimizi götürürük və 2 hissəyə ayırırıq. Daha sonra onu açırıq. (Şəkildəki kimi)
Xəmiri istədiyiniz qalınlıqda aça bilərsiniz. Açdığınız xəmiri stəkanın köməyi ilə halqa formasında kəsin.
Kəsdiyiniz halqaları bir-bir şəkər tozuna batırın. Daha sonra həmin halqanı 1 dəfə qatlayın. Qatlanmış hissəsini yenidən şəkər tozuna batırın. Sonra yenidən qatlayın. Bükülmüş formanı yenidən şəkər tozuna batırın. Bütün halqaları bu qayda ilə şəkər tozuna batırın.
Sobanın qabına falqa kağızı səririk və peçenyelərimizi içinə düzürük. Sobamızı isə 180 dərəcədə qızdırırıq. Təxminən 15-20 dəqiqə bişirin. Peçenyelərin bişmə müddəti onların qalınlığından asılıdır.
Nuş olsun!
