Brioş (Brioche)
Directions
Keksə bənzəyən yüngül, şirin fransız çörəyi – Brioş. Bu reseptdə biz sizə sadə Brioş çörəyi necə hazırlanır izah edəcəyik. İstəyə uyğun olaraq içərisinə quru üzüm, şokolad da əlavə edilərək hazırlana bilər. Bizim reseptdən faydalanaraq “Brioş” çörəyini hazırladınızsa, şəklini bizim İnstagram və Facebook səhifəmizə göndərməyi unutmayın. Təkliflərinizi isə şərh bölməsinə yaza bilərsiniz.
Tərkibi
500 qram un
8.5 qram quru maya
7 ədəd yumurta
80 qram şəkər tozu
250 qram kərə yağı
1 çimdik duz
1 çimdik vanil
Unu duz, şəkər tozu, vanil və quru maya ilə qarışdırırıq.
Buraya 6 ədəd yumurtanı qırıb əlavə edirik. 10-13 dəqiqə yoğurun. Xəmir tam elastik olmalıdır və qabın kənarlarına yapışmamalıdır.
Soyuq kərə yağını kub formasında kəsib xəmirə əlavə edin. 10 dəqiqə yenidən yoğurun. Daha sonra strec plyonkayla örtüb 45 dəqiqə isti yerdə saxlayın.
Daha sonra xəmiri kənarlarını ortasına yığaraq yenidən yoğurun. Gecədən səhərə kimi xəmiri soyuducada saxlayın. Ya da 1-2 saat dondurucuda saxlaya bilərsiniz.
Hazır olan xəmirdən diametri 5 sm olan toplar hazırlayırıq. Perqament kağızının üzərinə sırayla düzün və isti yerdə 60 dəqiqə gözlədin.
Qalan 1 ədəd yumurtanı qırın və hamısının üstünə yağlayın. İstəyə uyğun olaraq üstünə küncüt də tökə bilərsiniz.
170C-də 10 dəqiqə bişirin.
Nuş olsun! :)
