1 0
Hazırlayan:
Yeni il bəzəkləri ilə peçenye

Yeni il bəzəkləri ilə peçenye

Cuisine:

Directions

Share

Yeni il dedikdə hər kəs üçün bayramın fərqli özəllikləri vacib olur. Kimisi üçün yeni il ağacının olması vacibdir, kimisi üçün qarın yağması, kimisi üçün yeni il hədiyyələri, kimisi üçün isə yeni il süfrəsi.

Biz ən sonuncunu seçənlərdənik. Süfrəmiz  ən vacibidir.  🙂

Çay süfrənizdə yeni il əhval-ruhiyyəsini hiss etdirəcək peçenyelərimizlə tanış olun.

Tərkibi

2 x/q maye bal

100 qr şəkər tozu

100 qr kərə yağı

250-300 qr un

1 ədəd yumurta

1 ç/q qabartma tozu

1 ç/q zəncəfil

0.5-1 ç/q darçın

Qlazur üçün

1 ədəd yumurtanın ağı

200 qr şəkər kirşanı

0.5 ç/q nişasta

0.5 ç/q limon suyu

 

 

(Visited 974 times, 1 visits today)
Step 1
Mark as Complete

İndi isə hazırlamağa başlayaq. Birinci ərzaqlarımızı hazırlayaq. Kərə yağını əvvəlcədən soyuducudan çıxardın. Otaq temperaturunda yumşalsın.

Step 2
Mark as Complete

Boş bir qaba unu ələyib tökürük. Unun üzərinə qabartma tozunu, darçını və zəncəfili əlavə edirik. İstəyə uyğun olaraq vanil də əlavə edə bilərsiniz. Əlavə etdiklərimizin hamısını qarışdırırıq. Və bir kənarda gözlədirik.

Step 3
Mark as Complete

Ərimiş kərə yağına şəkər tozunu əlavə edib mikserlə 5-7 dəqiqə qarışdırırıq.

Step 4
Mark as Complete

Mikseri dayandırmadan yumurtanı və balı əlavə edin. Mikserlə tam qarışana qədər qarışdırın.

Step 5
Mark as Complete

Bu qarışıma yavaş-yavaş un əlavə edin. Qatılaşana qədər un əlavə edərək qarışdırın.

Step 6
Mark as Complete

Xəmir yumşaq, elastik alınmalıdır. Yumşaq olmasına baxmayaraq ələ yapışmamalıdır. Lakin əldə çox təmas etsəniz əlinizə yapışa bilər. Ona görədə xəmiri bir ədəd şəffaf plyonkaya büküb soyuducuda 1 saat gözlədin.

Step 7
Mark as Complete

İndi isə peçenyeləri hazırlamaq üçün lazım olan ləvazimatları hazırlayaq. Bunun üçün sizə 1 ədəd perqament kağızı, kokteyl çubuğu, oxlov və yeni il fiqurları lazım olacaq.

Step 8
Mark as Complete

Xəmirimizi soyuducudan çıxardırıq. Biraz götürüb yerdə qalan hissəsini yenidən soyuducuya qoyuruq. Götürdüyümüz xəmiri perqament kağızının üzərinə qoyuruq. Əlimizlə biraz basırıq.

Step 9
Mark as Complete

Daha sonra bu xəmirin üstünə 1 ədəd perqament kağızı yenə qoyuruq və oxlovla xəmiri təxminən 0.5 mm qalınlığında açırıq. İkinci perqament kağızını ona görə qoyduq ki, xəmir kağıza yapışıb qalmasın. Üstdən saldığımız perqament kağızını ehtiyatla götürürük.

Step 10
Mark as Complete

Fiqurları əvvəlcə una batırırıq daha sonra isə xəmirin üzərinə qoyub basırıq. Fiqurları kəsdikdən sonra kənarlarda qalan əlavə xəmirləri çıxardırıq.

Step 11
Mark as Complete

Sobamızı 200 dərəcədə qızdırırıq. Peçenyeləri perqament kağızının üstünə sobanın qabına qoyub 5-7 dəqiqə bişiririk. Hazır olan peçenyelər çox yumşaq olur. Buna görə də kokteyl çubuğu ilə xırda deşiklər aça bilərsiniz. Bunu etmək məcbur deyil. Kim bu peçenyeləri yolkanın üstündən asmağı planlayırsa, onlar edə bilər. Bu proseduru peçenyelər bişməmişdən əvvəl də edə bilərsiniz. Aşağıda sizə göstərilən kimi.

Step 12
Mark as Complete

Təxminən 40-45 ədəd peçenye alınacaq. Peçenyelərimiz soyuyana kimi biz qlazuru hazırlayaq. İlk əvvəl bizə lazım olacaq ərzaqlarımızı hazırlayırıq.

Step 13
Mark as Complete

Şəkər kirşanını ələyirik. Buraya nişasta əlavə edib qarışdırırıq. Daha sonra ortasında yumru bir dəlik açıb yumurtanın ağını buraya əlavə edirik.

Step 14
Mark as Complete

Çəngəllə və ya qaşıqla yaxşı qarışdırın. Potların olmamasına, bərabər qarışdığına diqqət edin. Daha sonra mikserlə 10 dəqiqə rəngi ağarana kimi qarışdırın.

Step 15
Mark as Complete

Ən sonda limon suyunu əlavə edin və biraz da qarışıdırın. Hazır olan qarışımdan bir az götürüb kənara qoyun. Qalan qarışımı bir neçə qaba bölüşdürün. Peçenyelərinizi neçə rənglə bəzəməyinizdən asılı olaraq qarışımı o qədər hissəyə ayıra bilərsiniz. Biz 3 rəngdən istifadə etdik.

Step 16
Mark as Complete

Biz öz zöqümüzə uyğun olaraq çalışdıq ki, fərqli formalar edək və bəzəyək.
Siz də bu reseptlə hazırladığınız yeni il peçenyelərinin şəklini bizim İnstagram səhifəmizə (@sufremiz.az) göndərə bilərsiniz.

Nuş olsun!

Recipe Reviews

There are no reviews for this recipe yet, use a form below to write your review
previous
Naan (Hindistan çörəyi)
next
Sobada ətli pirojki
  • 974 Views
  • 5-7 dəq
  • Serves 5
  • Medium
  • 200 C.

Share it on your social network:

Or you can just copy and share this url

Bookmark this recipe

You need to login or register to bookmark/favorite this content.

previous
Naan (Hindistan çörəyi)
next
Sobada ətli pirojki

Add Your Comment