Üç bacı dolması

Share

Üç bacı dolması üçün resept

Tərkibi
4-6 porsiya üçün nəzərdə tutulmuşdur.
6 ədəd kiçik badımcan
6 ədəd yaşıl Bolqar bibəri
6 ədəd pomidor
duz
istiot
1-2 xörək qaşığı ərinmiş yağ və ya duru yağ

İçi üçün:
4 xörək qaşığı ərinmiş yağ və ya duru yağ
700 qram çəkilmiş qoyun və ya mal əti (və yaxud ikisinin qarışığı)
2 ədəd baş soğan – soyulub xırda -xırda doğranmış
1 ədəd yaşıl uzun bibər – xırda doğranmış
Doğranmış pomidorun içi
1 stəkan xırda doğranmış reyhan
zövqə görə duz
zövgə görə istiot

1.Əvvəlcə tərəvəzləri hazırlayın.

Badımcan: Badımcanın saplağını kəsin. Bıcaqla “qarnını” kəsin. İri qazanı suyla doldurun və qaynadın. Badımcanları qaynayan suya qoyub təxminən 2 dəqiqə ərzində pörtün. Sudan çıxardın və bir az soyudun. Soyuduğunda, əllərinizlə ovun ki, tumları çıxsın.

Bibərlər: Bibərlərin saplağını yumruvari və saplağı bibərdən tamamilə ayırmamaq şərtiylə kəsin. İçinin tumlarını təmizləyin.

Pomidorlar: Pomidorların saplağını yumruvari və saplağı pomidordan tamamilə ayırmamaq şərtiylə kəsin. İçini bıcaq və ya qaşığla oyub çıxardın. Təmizlədiyiniz içi atmayın – bunu ətli iç üçün istifadə edəcəksiniz*

2. İçin hazırlanması:
Bunun üçün tavada yağı qızdırın. Əti əlavə edib suyu çəkilənə və qızaranadək bişirin. Soğanı ətə əlavə edib, birlikdə bir az da qızardın. Pomidor içini* və bibəri əlavə edib, 5 dəqiqə də bişirin. Oddan kənara çəkin. Göyərtini əlavə edin. Zövqə görə duz və istiot vurub qarışdırın.

3. Badımcan, bibər və pomidorların içini bir az duzlayıb-istiotlayın.Hazır olmuş əti içlərinə yığın. Bİbər və pomidorların “qapaqlarını” örtün. Tərəzəvləri dərin tavaya yığın. Üstünə 2 qaşıq ərinmiş yağ və ya duru yağ tökün. Tavanın qapağını örtüb dolmaları vam odda təxminən 35-40 dəqiqə ərzində bişirin.

Nuş Olsun!